နွားရိုင်းသွင်းချိန် ပြင်မထွက်နဲ့

ကျွန်တော်ရဲ့ ဘ၀မှာ ပထမဆုံးရင်းနှီးခဲ့ပြီး အခုအချိန်ထိ အလွတ်ဆိုနိုင်တဲ့ ကဗျာတွေကို ပြောပါဆိုရင် ဆရာကြီးမင်းသုဝဏ်ရဲ့ ကဗျာလေးတွေပဲ ဖြစ်ပါလိမ့်မယ်။ ဆွမ်းအုပ်နီနီတို့ သပြေသီးကောက်၊ မောင်လေးရေ ထပါတော့တို့ အစရှိတဲ့ ကဗျာလေးတွေပါ။ အခု ဆရာမင်းသုဝဏ်ရဲ့ ကဗျာစာအုပ်ကို ပြန်ဖတ်မိလို့ ကဗျာလေးတစ်ပုဒ် တင်လိုက်ပါတယ်။

သဘက်ဆေး

နွားရိုင်းသွင်းချိန် ပြင်မထွက်နဲ့
ဖုတ်သဘက်တွေ လိုက်တတ်တယ်။
ဖုတ်သဘက်တွေ ကြောက်တဲ့ဆေးကို
ဘုန်းကြီးပေးလို့ ရှိပါတယ်။
သူငယ်ချင်းရယ် သဘက်ဆေးကို
ကျွဲရုပ်လေးနဲ့ လဲပါကွယ်။
ဗုဒ္ဓံ ဓမ္မံ သံဃံ ရွတ်ကွဲ့
သရဲလွှတ်လို့ ပြေးလိမ့်မယ်။
ရွတ်ကွယ် ရွတ်ကွယ်။ ။

မင်းသုဝဏ်